राजेन्द्र न्यौपाने

 माघ २६ गोरखा। गोरखा जिल्लामा सर्वाधिक विक्री हुने पहिलो दैनिक पत्रिका हाम्रो गोरखा सन्देश माघ २७ गते देखि दैनिक प्रकाशित हुने भएको छ । पत्रिकाका सम्पादक रामबाबु ढकालले गोरखा जिल्लाको समग्र विकास र जिल्लामा सञ्चारमा खड्किएको अभावको पूर्ती गर्न गोरखा सन्देश सफल रहने बताउनुभयो ।

विगत चार वर्षदेखि साप्ताहिक रुपमा प्रकाशित हुँदै आईरहेको सो सन्देश गोरखा जिल्लाको उत्तरी गाउँ गाउँ सम्म र जिल्लाका मुख्य मुख्य बजार र गाउँ गाउँमा वितरण हुँदै आईरहेको छ । मोफलसलबाट पत्रिका निकाल्न सजिलो नभपनि मानिसहरुले सूचना पाउने अधिकारको लागि पत्रिकालाई दैनिक बनाउन लागेको ढकालको दावी छ ।

जिल्लामा पार्टीका मुखपत्र बाहेक अन्य पत्रपत्रिकाहरु नभएको अवस्थामा हाम्रो गोरखा सन्देश गोरखाबासीको साझा र प्यारो पत्रिका बन्ने भएको छ । पत्रिका देशका चितवन, तनहुँ, लमजुङ, काठमाण्डौ,नवलपरासी,धादिङ, कास्की, स्याङजा, भक्तपुर, ललितपुर र गोरखाका सबैभागमा वितरण हुने सम्पादकले बताउनुभयो ।

शान्ति, समृद्धि र प्रगतिका पक्षमा मात्र पत्रिकाले लेख्ने सम्पादकको भनाई छ । आवश्यक सबै पूर्वाधारहरु तयार भएको आजबाट नै काम थालनी गरिएकोले पत्रिका विहिवारदेखि बजारमा आउने जानकारी उहाँले दिनुभयो ।

पत्रिका पहिलो चरणमा दूई हजार प्रतिमात्र प्रकाशित हुने प्रकाशकले बताएका छन् ।