साउन २८ कैलाली।   कैलाली जिल्लाको मध्यवर्ती क्षेत्रमा रहेको विश्व रामसार क्षेत्रमा सुचिकृत घोडाघोडी तालमा गोहीको संख्या बृद्धि भएपछि माछापालक किसानहरु चिन्तित बनेका छन् । हाल गोहीको संख्या वृद्धि बढे पछि खेतमा, कुलामा र घोडाघोडी क्षेत्रको जङ्गलमा समेत गोही पाइन थालेका छन् । 

घोडाघोडी ताल आसपास रहेका १८ वटा तालमा व्यवसायीकरुपमा माछा पालन गरिएको छ । गोहीको संख्या वृद्धि भएपछि व्यवसायीहरुले पालेका माछा खाइदिन थालेपछि माछापालक किसानहरु चिन्तित भएको स्थानीय माछा पालक सुनील सापकोटाले बताउनुभयो । केही समययता घोडाघोडी क्षेत्र संरक्षण सम्बद्र्धन तथा जनजागरण मञ्च सुखड र सिमसार संरक्षण तथा सदुपयोग आयोजनाको साझेदारीमा संचालित समुदायमा आधारित चोरी शिकारी नियन्त्रण समूह दैनिक रुपमा गस्ती गर्न थाले पछि गोहीको संख्यामा वृद्धि भएको बताइएको छ । 

घोडाघोडी तालमा गोहीको संख्यामा वृद्धि भए पछि उनीहरुलाई आहार र बासस्थान अपुग भए पछि ताल बाहिर गएको बताइएको छ ।