मेलामा गजुरमुखी देवीको दर्शन, विभिन्न प्राकृतिक स्थलहरुको दृश्यावलोकन, स्थानीय जातजातिका सांस्कृतिक झाँकीहरुको प्रदर्शनी साथै विविध सांस्कृतिक तथा खेलकुदका कार्यक्रमहरु सञ्चालन हुने आयोजकले जनाएको छ ।

इलाम सदरमुकामदेखि करिब ४० किलोमिटर पश्चिममा अवस्थित गजरमुखी धाममा दर्शन गर्नाले आफूले चिताएको पूरा हुने धार्मिक विश्वासले इलामसँगै पूर्वी नेपालको झापा, मोरङ्ग, सुनसरी, पाँचथर, ताप्लेजुङ्ग, तेह्रथुम, संखुवासभा, धनकुटाका तथा भारतको विभिन्न ठाउँहरुबाट समेत भक्तजनहरु आउने गरेका छन् ।